فدوة عيونك لو غدت روح مغليك
وش عاد لو راحت لعينك عشاير
ابيع ما يغلى على الكون واشريك
واسوق لي جتني علومك بشاير
وازعل جميع الناس بالحيل وارضيك
واصبر ولو دارت عَليّ الّدواير
وآخذ من ايامي لك ايام واعطيك
وان راح عمري لك فلا هو خساير
احب انا شوفك وصوتك وطاريك
دايم وفكري فيك هايم وحاير
وازعل جميع الناس بالحيل وارضيك
واصبر ولو دارت عَليّ الّدواير
بالصمت اهوجس بك وبالصوت اناديك
والله عليم البيّنه والّسراير
انا وقلبي والهوى بين اياديك
عندك مفاتيح الهنا للضماير
وازعل جميع الناس بالحيل وارضيك
واصبر ولو دارت عَليّ الّدواير